دیروک نڤیس (یاسین خیر اللە العمری المو‌‌‌صلی) وەسفا باژێرێ ئاکرێ دکەت و دبێژیت باژێرەکێ خێرایە ژبەر ئاڤاوێ و جوانیا سروشتێ وێ و واتەیا وێ د کوردی (ئاگر) ، باژێرێ ئاکرێ د کەڤیتە باکوورێ رۆژهەلاتێ میسل  و ژ ئالیێ باکووری ڤە سەر ب رووبارێ (زاپە) و قەزا (ئامێدیێ) و قەزا (شەقلاوە) ژ رۆژهەلاتێ ڤە قەزا حەمدانیە و میسل ژ لایێ باشوری ڤە رووبارێ (خازر) و قەزا (شێخان) ە ژ ئالیێ رۆژئاڤایی ڤە ، رووبارێ ئاکرێ یێ گشتی دگەهیتە نێزیکی (٦٤١٨کم) (١٠٤٧٦٢٢دونم) و ژ قەزایێن كەڤنە و هاتیە دامەزراندن ل سەردەمێ دەولەتا ئوسمانی ل سالا (١٨٧٧ز) و سەنتەرێ باژێری دهێتە هژمارتن ژ باژێرێن مەزن سەرب سنوورێ پارێزگەها دهوکێ ڤە ، باژێرێ ئاکرێ یێ هاتیە چێکرن لسەر دەور و بەرێن چیایەکی و دناڤدا گەلەگ خانی تێدانە کو تایبەتمەندیەکا جوان ددەنە ڤی جهی و گەلەک یێ جودایە دگەل چێبوونا دیزاینا باژێرەکێ دی و دکەڤیتە سەردوو نهالێن مەزن و یێن کویر و دناڤدا بیستانێن فێقی تێدانە و دناڤ نهالا رۆژهەلاتی دا هاڤینگەها (سیپە) تێدایە ئەوا گەلەک گەشتیار سەرەدانا ڤی جهی دکەن ژبەر سەیراتیا دیمەنێن جوان کەشەکێ هینک د وەرزێ هاڤینێ دا ژ ئالیێ کانیا (کانی زەرکێ) ئەوا سیلاڤا سیپە ژێ دهێت ، کەشێ ئاکرێ ب شێوەیەکێ گشتی یێ گەرمە د وەرزێ هاڤینێ دا و یێ سارە د وەرزێ زڤستانێ دا و پلا گەرماتیێ دگەهیتە (٣٥)د وەرزێ هاڤینێ دا و د وەرزێ زڤستانێ دا پلا گەرماتیێ نزم و دگەهیتە نێزیکی ل بن (سفرێ)، و گەلەک برنج دڤی باژێری دهێتە چاندن و ئەڤ باژێرە د هێتە هژمارتن ژ باشترین جۆرێن برنجی و باشیا وى د بازرگانیێ دا کو دبیتە بازارەکێ بازرگانیا گشتی و دڤێ دەڤەرێ دا هەر وەسا ئەو لێکۆلینێن نوو لسەر دەستێ هندەک زانایێن ئارکۆلۆژی هاتیە کرن و یێن دهێنە کرن ل پاشەرۆژێ دا تایبەتمەندیەکا رەسەن د دەنە گەڤناتیا ڤی باژێری ل کوردستانێ ب تایبەتی و عیراقێ ب گشتی